Ngrijnë tubat, Gjirokastra mbetet pa ujë

Temperaturat e ulta dhe ngricat kanë shkaktuar probleme në furnizimin me ujën në qytetin e Gjirokastrës si pasojë e ngrirjes së tubave.

“Jemi 5 ditë pa ujë. Kanë ngrirë tubat”, thonë qytetarët.

Nga 16 mijë abonentë të ujësjellësit të Gjirokastrës vetëm 5 mijë kanë aktualisht ujë në banesat e tyre.

“Për shkak të ngricave, gjendja e amortizuar e rrjeteve ka krijuar probleme të mëtejshme sidomos në zonat që janë me rrjetet e vjetra. Për shkak të kësaj, rrjedhjet janë të shumta, shtuar edhe ngrica, që nuk është parashikuar në mënyrën sesi kemi funksionuar deri më tani”, thotë drjetori i Ujësjellësit në Gjirokastër, Bashkim Tola.