Gjirokastër, arrestohet një vajzë me para false
October 6, 2016
![](https://www.libohovaonline.com/wp-content/uploads/2016/10/tmp_18696-100-euro-1936779032.jpg)
Një vajzë në Gjirokastër ka përfunduar në pranga, pasi është kapur me para false.
Arjola Shyti, 28 vjeçe, banuese në Korçë, rreth orës 22:30 të mbrëmjes së djeshme, në qytetin e Tepelenës, në një karburant ka furnizuar me karburant automjetin e saj tip “Benz”, me targa TR 5271 K, ku ka bërë pagesën me një kartëmonedhë 100 euro e cila dyshohet si e falsifikuar.
Pas njoftimit të bërë nga shtetasi S.M., punonjësi i karburantit, Shyti u kap nga policia në Gjirokastër.
Në cilësinë e provës materiale u bë sekuestrimi i kartëmonedhës, i një telefoni celular dhe i automjetit.
Në ngarkim të saj materialet i kaluan Prokurorisë së Gjirokastrës për veprën penale “Falsifikim i monedhave”