Libohovë, bashkia rikonstrukton pjesërisht disa rrugë në Drino e Nepravishtë (FOTO)

Bashkia Libohovë ka ndërhyrë së fundi në disa rrugë të fshatit Nepravishtë dhe Drino, duke i shtruar me beton.

Kryebashkiakja Luiza Mandi, përmes një postimi në faqen e saj në Facebook, shkruan se përmirësimi i infrastrukturës rrugore në çdo fshat dhe lagje është një ndër prioritetet e Bashkisë Libohovë.

Ajo falenderon punëtorët që punuan me ritme të shpejta dhe banorët për durimin e treguar, ndërsa thotë se në vijim do të ketë të tjera rikonstruksione të ngjashme në rrugë të dëmtuara ndër vite.