Njihuni me këshilltarët më të rinj të Zamira Ramit (FOTO)

Kryebashkiakja Zamira Rami ka bërë bashkë sot në një tryezë përfaqësues të forumeve rinore të partive politike në Gjirokastër, si dhe të rinj nga gjimnazet e qytetit për të krijuar Këshillin Rinor të Bashkisë Gjirokastër.

Në njoftimin dhe fotot e shpërndara në internet thuhet se ky Këshill është një risi për Gjirokastrën dhe se do të jetë “jetë inisiatori i organizimit të aktiviteteve rinore, përcjelljes së problematikave dhe do të shërbejë gjithashtu si organ këshillimor pranë kryetares së bashkisë”.

Sidoqoftë përvoja e deritanishme ka treguar se shpesh grupime të tilla nuk kanë praktikisht asnjë rol, por thjesht shërbejnë si “dekor” pranë titullarëve të institucioneve. Sidoqoftë le të presim dhe të mos paragjykojmë Këshillin Rinor të Bashkisë Gjirokastër të sapo konstituuar./ArgjiroLajm.net