Testimi i mësuesve, 37 vetë nga shkollat e Libohovës. Ja lista me emrat

15 mijë mësues në rrethe të ndryshme të vendit do t’i nënshtrohen testimit në 23 janar. Sa i përket shkollave të Bashkisë Libohovë, numri i mësuesve që do të kalojnë në sitën e Ministrisë së Arsimit është është 37.

Nga të cilët 6 janë mësues të gjimnazit “11 Shkurti”, 19 janë mësues të shkollës 9-vjeçare “Avni Rustemi”, 10 janë mësues në shkollat 9-vjeçare të Nepravishtës dhe Labovës, 2 janë mësues në shkollën Pogon-Zagorie. Libohova Online sjell më poshtë listat me emrat e mësuesve.

Provimi do të ketë 30 pyetje me alternativa, të cilat do të kenë lidhje me zhvillimin e procesit mësimor dhe njohuritë që kanë mësuesit për lëndën që japin mësim. Sipas Ministrisë së Arsimit ky testim nuk do të ndikojë në largimin nga puna, pavarësisht rezultatit.

Provimi do të ketë për qëllimin identifikimin e nevojave që kanë mësuesit për t’u trajnuar. Më herët, ministrja Lindita Nikolla e ka cilësuar këtë testim si një mundësi për të pasur një tablo të përgjithshme të nivelit të mësuesve në Shqipëri.