Berisha trondit kombëtaren, paralajmëron largimin te Kosova pas Europianit
May 25, 2016
Portieri i kombëtares shqiptare, Etrit Berisha, konfirmoi se ende nuk ka marrë një vendim nëse do të vazhdojë të jetë pjesë e Shqipërisë edhe pas Europianit, pasi gardiani e la të hapur mundësinë për t’u rikthyer tek Kosova, përfaqësuese për të cilën ka luajtur para se të veshte fanellën e Shqipërisë.“Për mua, ka qenë nder që të përfaqësoj të gjithë shqiptarët. Tani që është bërë kjo ndarje, nuk ndjehem në maksimum, pasi edhe po shkova te Kosova, ose të rri të Shqipëria, për mua do të jetë një lloj zhgënjimi apo nuk do të ndjehem edhe aq mirë. Kjo është një situatë e vështirë për mua. Kam qenë më parë me Kosovën, pastaj me Shqipërinë. Për mua më e mira është që të mund t’i përfaqësoj të dyja. Mendoj që vendimet për këtë do t’i marr, apo do t’i marrim, pas Europianit”, u shpreh Berisha.