Dekori për festat, 37 milionë lekë të vjetra shpenzoi Bashkia Gjirokastër

Bashkia Gjirokastër ka shpenzuar për muajin dhjetor 2015 plot 412 milionë lekë të vjetra.

Sipas të dhënave nga Thesari i Shtetit gjatë këtij muaji janë kryer 108 transaksione të ndryshme.

Transaksioni me vlerën më të lartë është pikërisht ai për dekorin e qytetit me rastin e festave të fundvitit.

Bëhet fjalë për 37 milionë e 395 mijë lekë të vjetra që i janë paguar një subjekti privat.

Ndryshe nga vitet e tjera, kësaj here në Gjirokastër ishte vendosur një pemë Krishtlindjesh e madhe në sheshin përballë bustit të Çerçiz Topullit.