Digjet pompa, Nepravishta pa ujë prej tre ditësh

Prej tre ditësh në Nepravishtë ka probleme të furnizimit me ujë të pijshëm. Situata më problematike është në lagjet e sipërme të fshatit. Shkak për mungesën e ujit është bërë djegia e një prej pompave që furnizon depot. Pritet që sot të bëhet zëvendësimi me një pompë të re, në mënyrë që furnizimi të vijojë normalisht.
Libohova ka probleme të furnizimit me ujë kryesisht gjatë muajve të verës për shkak të rrjetit të amortizuar të ujësjellësit dhe nivelit të ulët të prurjeve të burimeve gjatë stinës së nxehtë.

/Libohova Online/