Frika nga refugjatët, forcat speciale zbarkojnë në Kakavijë

tmp_26443-Refugjatet-siriane-ne-Maqedoni-foto-nga-arkivi-1-620x358-19801034405 pika doganore në jug të vendit po ruhen nga forcat speciale. 450 efektivë të Forcave të Ndërhyrjes së Shpejtë janë shpërndarë në kufi në pikat doganore të “Qafë-Thanës”, “Kapshticës”, ”Tre Urat”, ”Kakavijës” dhe “Qafë-Botës”. Frika nga refugjatët, që kanë mbetur të bllokuar në kufirin mes Maqedonisë dhe Greqisë detyron Ministrin e Brendshëm të dërgojë forcat speciale në kufi.

Strukturat e specializuara për menaxhimin e turmave, janë transportuar në kufirin jugor nga repartet e FNSH-së së Tiranës, Fierit dhe Shkodrës, raporton Shqiptarja.com.

Ndërkohë në mbështetje të FNSH-së janë dhe strukturat e Drejtorisë së Kufirit, të cilat gjatë kësaj kohe kanë mbajtur kontakte të vazhdueshme me autoritet greke, për të mësuar lëvizjen e karvaneve të refugjatëve.