Gjimnazistë të Libohovës vizitë në shtëpinë e Kadaresë (FOTO)

Pak ditë pas inagurimit të saj shtëpia e lindjes së shkrimtarit Ismail Kadare në Gjirokastër është kthyer në një objekt të vizitueshëm që tërheq vëmendjen e të huajve dhe vizitorëve vendas.

Së fundi në këtë shtëpi kanë qenë një grup nxënësish e mesuesish nga gjimnazi “11 Shkurti” i Libohovës.

Ata panë nga afër transformimin e kësaj shtëpie karakteristike gjirokastrite, që mbart vlera të çmuara prej faktit se në të lindi gjeniu e letrave shqipe, Ismail Kadare.

Më herët, në kuadër të projektit “Shkolla Qendër Komunitare”, gjimnazistët zhvilluan aktivitete sportive në kompleksin pranë liqenit të Viroit, investim i përfunduar prej pak kohësh. /Libohova Online/