Gjirokastër, 10 ditë burg për shoferin e autobusit të aksidentuar te “Uji i Ftohtë”

tmp_8870-at3-1320235822Gjykata e Shkallës së Parë në Gjirokastër ka dhënë sot masën e sigurisë “arrest me burg” për 10 ditë, ndaj Ilia Silos, shoferit të autobusit të linjës Tiranë-Athinë, i cili u aksidentua pranë “Ujit të Ftohtë” në Tepelenë.

Për 34-vjeçarin prokurori i çështjen Julian Cafka kishte kërkuar 30 ditë burgim, ndërsa gjykatësja Silvana Spaha e reduktoi në vetëm 10 ditë.

Shoferi i autobusit ku u plagosën dhjetra udhëtarë, mes tyre edhe një fëmijë i moshës 1 vjeç, nuk pranoi të mbrohej me avokat.

Kjo bëri që gjykata t’i caktonte një avokat kryesisht. Hetimet për ngjarjen e rëndë vazhdojnë ende.