Gjirokastër, digjet qëllimisht një furgon te Ura e Lumit (FOTO)
August 22, 2016
![](https://www.libohovaonline.com/wp-content/uploads/2016/08/gg.jpg)
Një furgon mallrash është djegur gjatë orëve të natës në Gjirokastër. Mësohet se furgoni tip “Benz” me targe AA 493 DU është përfshirë nga flakët ne vendin e quajtur Ura e Lumit.
Burime nga vendngjarja bëjnë me dije se furgoni është djegur qëllimisht nga persona ende të paidentifikuar. Furgoni ishte i parkuar, ndërsa nuk ka persona të lënduar.
Nuk dihet ende pronësia dhe motivet e kësaj ngjarje. Shërbimi zjarrfikës dhe policia në vendngjarje kanë nisur hetimet.