Grabitje me maska në Gjirokastër, hajduti i shpëton policisë
March 21, 2018
![](https://www.libohovaonline.com/wp-content/uploads/2018/01/Policia-Gjirokaster-1.jpg)
Një grabitje me maska ka ndodhur sot në Gjirokastër. Policia thotë se ngjarja ndodhi në lagjen ‘Dunavat’ të qytetit, ndërsa autori është larguar në drejtim të paditur.
“Në lagjen Dunavati i dytë, Gjirokastër, në banesën e shtetasit A.Ç, është futur një person i maskuar, i cili ka vjedhur me dhunë dy telefona, disa bizhuteri dhe rreth 10.000 lekë. Në vendngjarje ka shkuar grupi hetimor i cili po punon për zbardhjen e plotë të rrethanave të ngjarjes. Shërbimet e policisë dhe Forcat e Posaçme Shqiponjat, kanë shoqeruar disa persona në ambjentet e policisë. Vijon puna për identifikimin dhe kapjen e autoreve. Po punohet për zbardhjen e plotë të rrethanave të ngjarjes”, thuhet në njoftimin e policisë Gjirokastër.