Historia e emigrantit/ Sjell 15 mijë euro në Shqipëri, dogana në Kakavijë i mban çerekun e shumës

Një emigrant shqiptar ka dashur të çojë në atdhe 15.000 euro, por në doganën e Kakavijës ia kanë bllokuar dhe do t’ia mbajnë në sekuestro deri sa ai të shpjegojë burimin e atyre parave.

Ato 15.000 euro me gjasë ishin kursimet e një jete në emigracion. Por sipas ligjit, emigranti duhej t’i deklaronte në doganë, gjë që ai nuk e bëri.

Ato iu gjetën gjatë kontrollit dhe gjithmonë siç përcakton ligji, i mbajtën si gjobë 25% të vlerës, ose 3.700 euro.

Pjesën tjetër të parave ai do të mund t’i marrë vetëm pasi të dokumentojë burimin e parave, pra mënyrën se si i ka siguruar ato. Në të kundërt, paratë do të kalopjnë në llogari të shtetit grek.