Këshillim karriere për maturantët, Universiteti ‘Eqrem Çabej’ nis fushatën informuese në gjimnazet e Gjirokastrës (FOTO)
![](https://www.libohovaonline.com/wp-content/uploads/2018/02/Maturantet-Universiteti-Eqrem-Cabej..jpg)
Në kuadër të orëve të këshillimit të karrierës, Universiteti ‘Eqrem Çabej’ në Gjirokastër ka nisur një tur takimesh me maturantët.
Pedagogë të këtij universiteti ishin sot në gjimnazet ‘Siri Shapllo’ e ‘Asim Zeneli’, ku zhvilluan një bashkëbisedim me maturantët, për t’i informuar ata rreth programeve të studimit që ofron ky institucion i arsimit të lartë.
Theksi u vu tek tradita dhjetëra vjeçare e Universitetit ‘Eqrem Çabej’, stafi i kualifikuar dhe kalimi me sukses i akreditimit të bërë nga agjencia britanike, e kontraktuar nga qeveria shqiptare.
Në total ky universitet ofron 18 programe studimi në tre fakultetet e tij. Takime të tilla informuese të pedagogëve do të vijojnë edhe në gjimnazet e tjera të qarkut Gjirokastër, por edhe të qyteteve të tjera kryesisht në jug të vendit, duke u shtrirë kështu në të gjithë hartën gjeografike prej nga ku vijnë studentët që zgjedhin Universitetin ‘Eqrem Çabej’.