Krim në familje në Gjirokastër, gruaja vret burrin me thikë në gjoks

Një krim i rëndë në familje ka ndodhur në Gjirokastër. Gruaja i merr jetën bashkëshortit duke e goditur me thikë.

Mbrëmjen e djeshme, 62 vjeçarja Dituri Meni me banim në lagjen “18 Shtatori” të Gjirokastrës ka goditur me thikë në gjoks bashkëshortin e saj.

Nga të dhënat paraprake bëhet e ditur se pas një konflikti për motive të dobëta në ambientet e banesës, gruaja ka marrë thikën e kuzhinës dhe ka goditur në gjoks të shoqin, Flamur Meni 66 vjeç.

Si pasojë e plagëve të marra, 66 vjeçari ka gjetur vdekjen. Paraprakisht ngjarja u raportua si vetëvrasje pasi Flamur Meni u dërgua në spital nga familjarët ku dhe gjeti vdekjen.

Por hetimet zbuluan se ishte pikërisht e shoqja ajo që e kishte goditur.

Nga ana e uniformave blu u bë arrestimi i Dituri Menit nën akuzën e vrasjes, ndërsa vijojnë ende hetimet për zbardhjen e shkaqeve të ngjarjes