Mandi me ministren Kumbaro: Rikonstruksion e promovim për Kalanë dhe shtëpinë e Avni Rustemit

Kandidatja e koalicionit të majtë për Bashkinë Libohovë, Luiza Mandi përmes një shënimi në faqen e saj në Facebook, tregon për vizitën në Kalanë e Libohoves dhe shtëpinë e lindjes së Avni Rustemit. Ajo shoqërohej në këtë vizitë nga ministrja e Kulturës, Mirela Kumbaro dhe Drejtori i Kulturës Kombëtare në Gjirokastër, Albert Kasi. Vizita është realizuar ditën që ministrja Kumbaro ishte në Libohovë bashkë me kryeministrin Rama. Mandi thotë se ka gjetur gjithë mbështetjen e ministres dhe qeverisë që pas marrjes së detyrës si kryebashkiake të nisë punën për rikonstruksionin e këtyre dy monumenteve.  

“Janë dy monumente të lëna në harresë prej vitesh, nga paaftësia dhe sigurisht indiferenca e atyre që e kishin për detyrë. Unë nuk kam dëshirë të bëhem pjesë e polemikave të atyre që e kishin gjithë kohën në dispozicion për t’i kthyer në identitet këto monumente me vlera, por ju siguroj që pas 21 qershorit këto Kalaja e Libohovës dhe shtëpia e Avni Rustemit, do të rikonstruktohen dhe do të jenë të vizitueshme. Si publikisht, ashtu edhe privatisht, mora mbështetjen e ministres Kumbaro për të ndërhyrë në këto monumente. Fjala ime do të jetë puna, prandaj kërkoj mbështetjen tuaj me votë, në mënyrë që t’i japim Libohovës atë që meriton”- shkruan Mandi.

11355578_10203784073152574_167009176_n11281811_10203784073272577_101402980_n11261432_10203784073512583_575510794_n11272245_10203784073632586_1497705905_n