Ndjekje penale për tre doganierë të Kakavijës, lejuan mall kontrabandë nga Greqia
May 6, 2015
![](https://www.libohovaonline.com/wp-content/uploads/2015/05/Kakavi.jpg)
Pezullohen nga puna tre doganierë të Kakavijës dhe dërgohën për ndjekje penale. Një ditë më parë, Rubin Shehu, Roland Mërtiri dhe Vladimir Dhima lejuan dy furgona të ngarkuar me fruta-perime të hynin në territorin shqitpare pa kryer më parë zhdoganimin e mallit.
Burime nga policia bëjnë me dije se dy furgonat me targa IMN 326 (Greke) dhe AA 623 KE, u ndaluan në rrugën kombëtare Kakavije-Gjirokastër, teksa po udhëtonin në drejtim të Fierit.
Ngarkesa e mallit kushtonte rreth 5 milionë lekë dhe vinte nga Greqia. Momentalisht dy furgonat janë të bllokuar në doganën e Fierit. Ndaj tre doganierëve rëndon akuza për “shpërdorim detyre”.