Skandali seksual në Gjykatën e Gjirokastrës, gruaja i kërkon divorcin Guximtar Boçit
November 4, 2016
Gruaja e ish-kryegjyqtarit të Gjirokastrës, të shkarkuar javën e shkuar nga KLD-ja pas skandalit seksual, bën gati padinë për divorc.Razie Boçi mësohet se ka pajtuar një avokat dhe po përgatit procedurat për të kërkuar në gjykatë ndarjen me bashkëshortin, Guximtar Boçin, me të cilin ka dy vajza të rritura, shkruan Panorama. U desh një regjistrim audio i denoncuar në emisionin “Stop” në “Tv Klan” nga një qytetare në Gjirokastër, që marrëdhëniet e çiftit Boçi të thyhen.
Burime të afërta të familjes bëjnë të ditur se e shoqja e gjyqtarit, që prej së enjtes kur dëgjoi denoncimin e 40-vjeçares Rudina I., deklaroi se do të kërkonte divorcin, i cili pason një gëzim familjar, siç ishte martesa e vajzës së madhe fundjavën e shkuar.
Kërkesëpadia do të dorëzohet në Gjykatën e Shkallës së Parë në Gjirokastër, aty ku 3 vjet ishte kryetar Guximtar Boçi, bashkëshorti nga i cili kërkon ndarjen.
Fundjavën e shkuar, pas skandalit, vetë ish-kryegjyqtari në një intervistë për “Panorama”, teksa dha versionin e tij për gjithë sa ndodhi, pohoi se familja i ishte shkatërruar dhe gruaja i kërkoi divorcin.