Socialistët vazhdojnë të ndajnë ‘tepsinë’, Ylli Muho emërohet në krye të Bordit të Kullimit Gjirokastër
March 23, 2018
![](https://www.libohovaonline.com/wp-content/uploads/2018/03/29134240_10204605506134300_2062949161_n-600x365.jpg)
Ylli Muho është emëruar në krye të Bordit të Kullimit në Gjirokastër, pozicion që vitet e fundit e mbante Kristaq Xha. Muho ka qenë ish kryetar i Komunës Antigone dhe prej korrikut 2015 ishte nënkryetar i Bashkisë Gjirokastër. Por ai u shkarkua nga kryebashkiakja Zamira Rami në shkurt të vitit 2017. Pas atij shkarkimi Muho hodhi akuza të rënda ndaj saj. Ai e cilësoi Zamira Ramin si kryebashkiake arrogante dhe të paditur. Bordi i Kullimit është një prej institucioneve që është paralajmëruar se do të shkrihet në kuadër të reformës në administratën shtetëtore. Por sidoqoftë kjo mbetet për t’u parë në muajt e ardhshëm.