Të rinj nga Gjirokastra e Libohova i bashkohen PS-së, Rama u jep kartën e anëtarësimit

 Të rinj nga Gjirokastra e Libohova i bashkohen PS-së, Rama u jep kartën e anëtarësimit

0ac0ac58-8bc8-48a2-bcfc-1b7c9da6139bKryeministri Edi Rama zhvilloi sot në Vlorë një takim me të rinj e të reja nga rajoni i jugut, të cilëve u dorëzoi kartën e anëtarësimit në Partinë Socialiste.

Mes qindra të rinjve nga qytetet jugore të vendit kishte edhe nga Gjirokastra e Libohova. Edi Rama foli për domosdoshmërinë e reformimit të Partisë Socialiste njësoj siç qeveria e tij ka ndërmarrë disa reforma në këto dy vjet e gjysmë.

“Nuk ka se si Partia Socialiste, ndërkohë që po reformon tërësisht Shqipërinë, të mos reformojë thellësisht edhe veten”, u shpreh Rama.

I pranishëm në takim, koordinatori i jugut në PS, Koço Kokëdhima, theksoi nevojën e kolicionit me LSI-në. Nga prishja e këtij koalicioni tha Kokëdhima, fiton vetëm Sali Berisha.

Libohova Online