Veshjet personale të Shanisha Libohovës, për herë të parë në publik (FOTO)

 Veshjet personale të Shanisha Libohovës, për herë të parë në publik  (FOTO)

Veshjet dhe aksesorët ceremonial që ju po shikoni i përkasin fillim shekullit të 19-të dhe janë pjesë e garderobës personale të Shanisha Libohovës (motra e Ali Pashë Tepelenës). Ato prezantohen për herë të parë në publik. Këto veshje janë pjesë e një koleksioni privat dhe janë ekspozuar në Hotel Rogner si pjesë e një ekspozite në fokus të së cilës ishte trashëgimia materiale dhe jomateriale shqiptare. 

Iniciativa për ekspozenë me produkte shqiptare vjen në atmosferën festive të nëntorit dhe 70-vjetorit të Çlirimit të vendit. Objektet e paraqitura përveç vlerave artistike që evidentohen në stilimin e veshjeve, në teknikat dhe skemat kompozicionale të përdorura për dekorim, përmbajnë edhe vlera të veçanta kulturore dhe historike, të cilat dëshmojnë mënyrën e jetesës së familjeve që i përkasin shtresave të larta të Shqipërisë së asaj kohe.

Motra e Ali Pashë Tepelenës, Shanishaja, u martua me një nga anëtarët më të rëndësishëm të familjes Libohova dhe kalaja ishte paja e Ali Pashës për të motrën. Shanishaja prehet në varrezat në jug të kalasë. Ajo njihej si një zonjë e rreptë dhe hijerëndë. Emri i Shanishasë del edhe te romani ”Darka e gabuar” e Ismail Kadaresë, sipas të cilit në kalanë e Gjirokastrës ndodhet një skutë me emrin ”guva e Shanishasë”.

01

02030405060708091011121314

Libohova Online