Zgjatet orari në sportele për pagimin e energjisë

radhaaaaaaaaaaaaaaaaOperatori i Shpërndarjes së Energjisë Elektrike  bën të ditur se në kuadër të masave për shërbimin ndaj klientit, ka zgjatur orarin e punës në sportelet e saj.

Sipas njoftimit të OSHEE-s, deri më datë 28 shkurt, afati i fundit kur debitorët mund të përfitojnë mundësinë e lidhjes së marrëveshjes me OSHEE për t’i paguar me këstë ose të uljes me 80% të kamatëvonesës, sportelet e kompanisë do të qëndrojnë hapur deri në orën 22.00.

Kur nisi procesi i lidhjes së aktëmarrëveshjeve në dhjetor 2014, OSHEE vuri në dispozicion të klientëve orare pune me dy turne deri në orën 20:00, përfshi edhe ditën e shtunë dhe të dielë.

“Deri më sot janë hapur mbi 50 sportele të reja për të përballuar fluksin. OSHEE i bën thirrje debitorëve që të shfrytëzojnë oraret e vendosura në dispozicion, kurse klientët që duan të paguajnë faturën mund të përdorin Postën, bankat dhe tani së fundmi edhe pikat e transfertave të parave, ose përmes celularit”, citon ne njoftimin e saj OSHEE, duke  theksuar se, shumë shpejt pikat e tjera alternative do të zgjerohen, ku do të mundësohet e pagesa e faturave edhe në dyqane apo qendra tregtare ku dallohen nga tabela që shkruan këtu paguhet energjia elektrike./ata