Zjarret në Gjirokastër, bëhet “kurban” drejtori i Shërbimit Zjarrfikës, shkarkohet Kujtim Bizhga
![](https://www.libohovaonline.com/wp-content/uploads/2021/08/Kujtim-Bizhga.jpg)
Pas situatës së vështirë të krijuar me zjarret në Gjirokastër, ku për për fat të keq humbën jetën një çift bashkëshortësh në fshatin Asim Zeneli, ka ndryshime në drejtuesin e këtij shërbimi të rëndësishëm. Mësohet se Kujtim Bizhga është shkarkuar nga posti i drejtorit, por do të vijojë të jetë pjesë e këtij shërbimi në një nivel tjetër. Në vend të tij është komanduar drejtori i ri, Pëllumb Shalari, i cili ka gjithashtu formim ushtarak. Deri më tani s’ka një komunikim zyrtar nga Bashkia GJirokastër për këtë lëvizje. Kujtim Bizhga e drejtonte shërbimin zjarrfikës prej disa vitesh. Gjatë kësaj vere ishte situata më e vështirë e krijuar ndonjëherë. Rrethimi nga zjarri i disa fshatrave në Lunxhëri e Antigone vuri në vështirësi të madhe shërbimin zjarrfikës. Episodi më i rëndë ishte ai në fshatin Asim Zeneli ku u dogjën bashkëshortët Andrea Haxhiaj e Tatiana Haxhiaj.